لك فـــي قـــلبي مقام(ن) ومنزال ... وصـــورتك عــيت تمحيها السنين
حـــبك ماضــــــي لكنه لا يزال ... وســط روحي وبين ضلوعي دفين
أنتــي نور عيـني في ذيك الليال ... مثــــل الشمــــس دايم عليّ تشرقين
أحــــاول أنســاك وأشوفه محال ... وش لـــون أنساك وأنا لحبك سجين
أحاول ارخص بك ولآلي مجال ... غــــالية عـــــندي ومقـــدارك ثمين
محـــد(ن) يسواك ولا لك يطال ... ولا أحــــد(ن) يأخذ مكانك يالضنين
رغـــم صدك وجروح(ن) ثقال ... احـــبك ولا أرخــص بك مها تفعلين
كل جـــرح(ن) منك بقوله تعال ... محـــلى جروحك على قلبي الحزين
اجرحيـــني ولك مـــــني الدلال ... بس مـــــا أبيك يا روحــــي تبعدين
ببقــــاء احـــــبك لو الهجر طال ... وبتبقى روحي وروحــــك متعانقين
مكــــانك في قلبي على كل حال ... رحتــــي ولا رجعتي أنا كلي حنين
احبك حب صافي ولا فيه تمثال ... عشقك وغرامك بروحي مستوطنين
يالله عســـاها تهـــــب من شمال ... وافـــــرح بشــــــوفتك ولو ساعتين
موضوع: حـــبك ماضــــــي 
الجمعة نوفمبر 21, 2008 7:43 pm
